Walther von der Vogelweide

  1  Under der linden
      an der heide,
      dâ unser zweier bette was,
      dâ mugt ir vinden
      schône beide 
      gebrochen bluomen unde gras.
      vor dem walde in einem tal
      tandaradei,
      schône sanc diu nahtegal.

  2  Ich kam gegangen
      zuo der ouwe:
      dô was mîn friedel komen ê.
      dâ wart ich enpfangen,
      hêre frowe,  
      daz ich bin saelic iemer mê.
      kust er mich? wol tusentstunt,
      tandaradei,
      seht wie rôt ist mir der munt.‹

  3  Dô het er gemachet
      alsô rîche
      von bluomen eine bettestat.
      des wirt noch gelachet
      inneclîche, 
      kumt iemen an das selbe pfat.
      bî den rôsen er wol mac
      tandaradei,
      merken wâ mirz houbet lac.

  4  Daz er bî mir laege,
      wessez iemen
      nu enwelle got! sô schamt ich mich.
      wes er mit mir pflaege,
      niemer niemen
      bevinde daz, wan er unt ich,
      und ein kleinez vogellîn:
      tandaradei,
      daz mac wol getriuwe sîn.

Neuhochdeutsch:

 1  Unter der Linde / auf der Heide, / wo unser beider Lager
      war, / da könnt ihr entdecken / gleichmäßig gebrochen
      / Blumen und Gras, / vor dem Wald in einem Tal / tandara-
      dei - / schön sang die Nachtigall.

  2  Ich kam gegangen / zu der Wiese, / da war mein Liebster
      schon vor mir dort. / Da wurde ich so begrüßt / - heilige
      Jungfrau -, / daß ich für immer glücklich sein werde. / Ob
      er mich küßte? Wohl tausendmal! / tandaradei - / seht,
      wie rot mein Mund ist.

  3  Er hatte schon vorbereitet / so wunderschön / aus Blumen
      eine Lagerstatt. / Darüber freut sich noch / von Her-
      zen / wer dort vorüberkommt. / Bei den Rosen kann er /
      tandaradei - / sehen, wo mein Kopf lag.

  4  Daß er mit mir schlief, / wüßte es jemand, / das verhüte
      Gott! so schämte ich mich. / Was er mit mir tat, / soll
      niemals jemand / wissen außer ihm und mir / und dem
      kleinen Vöglein / tandaradei - / das wird sicher
      verschwiegen sein.