Walther von der Vogelweide

In dem dône: »Ich wirb umb allez daz ein man«

Ein man verbiutet âne pfliht
ein spil, des im nieman wol gevolgen mac.
Er gihet, swenne ein wîp ersiht
sîn ouge, daz si sî sîn ôsterlîcher tac.
Wie waere uns andern liuten sô geschehen
solten wir im alle sînes willen jehen?
ich bin der imez versprechen muoz:
bezzer waere mîner frouwen senfter gruoz.
deist mates buoz.

›Ich bin ein wîp dâ her gewesen
sô staete an êren und ouch alsô wol gemuot:
Ich trûwe ouch noch vil wol genesen,
daz mir mit solhem stelne nieman schaden tuot.
Swer küssen hie ze mir gewinnen wil,
der werbe ez mit fuoge und ander spil.
ist daz ez im wirt iesâ,
er muoz sîn iemer sîn mîn diep, und habe imz dâ
und anderswâ.‹

In (Reinmars) Ton: »Ich wirb umb allez daz ein man«

Neuhochdeutsch:

Ein Mann reizt gegen die Regeln so hoch / in einem Spiel, daß ihm niemand mehr folgen kann. / Er sagt (nämlich), wenn sein Auge jene Dame sieht, / daß sie seine österliche Auferstehung sei. / Wohin kämen wir anderen Leute, / wenn wir alle ihm hier zustimmen würden? / Ich bin derjenige, der ihm widersprechen muß: / Besser wäre es, meiner Dame, und zwar zurückhaltend, zu huldigen. / Das ist der Gegenzug zum ›Matt‹!

»Ich bin bisher eine Frau von untadeligem Ruf / und entsprechendem Sinn gewesen: / Ich getraue mir, mich auch künftig dessen zu erwehren, / daß mir jemand mit einem solchen Diebstahl Schaden zufügt. / Wer immer einen Kuß von mir gewinnen will, / der soll darum mit Anstand und einem anderen Spiel werben. / Verschafft er sich diesen auf der Stelle, / so sehe ich ihn für immer als Dieb an mir an und behandle ihn dementsprechend, hier / und auch anderswo.«